já, rétt hafði tíma til að skjótast í vigtina, bjóst við einhverri mjööög gefandi og skemmtilegri tölu, en þau voru ekki nema 200, grömmin sem fóru mér líður samt eins og það sé meira og er búin að vera afar dugleg í síðustu viku. Held því þá bara áfram, ekki satt.  Þannig að nú ætla ég að prófa að bæta við mig meiri olíu og smjöri, gæti verið útskýringin.

...og enn úr tilraunaeldhúsi Tótý

Mín prófaði í gærkvöldi að gera hlaup úr rifsberjum og nota Söd í staðin fyrir sykur, hafði í raun ekki mikla trú á að þetta gæti gengið en viti menn! Ég rúllaði þessu upp og á í fórum mínum tæpar fjórar sykurlausar rifsberjahlaupskrukku sem ég get borðað með góðri samvisku.  Ég þarf reyndar alltaf að nota hleypiefni í rifsberjahlaup hjá mér, en það eru bara álög sem eru á mér Var farin að nota fyrir nokkrum árum síðan þetta í bláu pökkunum "Melatin"  "mindre sukker" og gerði það líka núna. Æði. Mæli með þessu.  Þið þurfið svo bara að reikna út hvað þið þurfið mikið af söd miðað við saftbirgðirnar ykkar.

Veit ekki hvort þið hafið tekið eftir því, en ég var að bæta við link sem heitir ávextir,ber  og grænmeti.  Þar er fullt af myndum af hinum ótrúlegustu hollustuafurðum.  Fann þennan link einhverstaðar og vona að það sé í lagi að nota hann.

ole,ole,ole,ole ole , ole....

já, sigursöngur hjá minni.  1,2 kg. kvödd þessa vikuna Góð maður. Hrikalega ánægð með þetta. Líður hérumbil svona 906090  Var á fundi í gær og þá var alveg hellingur af nýjum ddv-urum.  Allavega.  Síðasta vika gekk þetta vel og planið er að hafa næstu viku líka svona góða.  Er dugleg þessa dagana að prófa eitthvað nýtt, eins og mér leiðist nú að elda! Gerði mér danskar í fyrsta skipti í gær, bara ágætar og steikti mér keilu með. Já, keilu, mjög lík steinbít að útliti og bragðið ekkert ósvipað heldur. Bara ágæt með urmul af hvítlauk, tók svo restina með í vinnu í dag og borðaði kalda í hádeginu ásamt grænmeti og einni brauðsneið.  Dugði mér vel.  Prófaði líka í vikunni einhver kanilstykki sem ég fann uppskrift af einhverstaðar, alveg ágæt -ætla samt að minnka dropana næst.  Og talandi um dropana, ég spurði um það á fundi í gær hvort það gæti verið stafsetningavilla á kökuppskriftablaðinu hjá dropunum.  Málið er að þeir eru alltaf að endurbæta vörurnar og bragðefnin í dropunum eru orðin sterkari þannig að við þurfum minna.

Vonandi lekur lýsið af ykkur líka   ætla að taka góðan rúnt í kvöld eða um helgina og sjá hvernig ykkur gengur.

P.s. langar bara að þakka fyrir kommentin, þau eru æði, og þeir sem ekki kommenta, æji, þið megið það alveg

bara smá.  Var að bæta nokkrum nýjum í tenglana, endilega kíkið við hjá þeim. Það eru: Agatha, Emma, Fibena og Strympa allt jaxlar sem ætla að taka á því með okkur í vetur.

Vúhú, vigtun á morgun.  (hefði aldrei sagt vúhú ef ég vissi ekki að ég væri búin að vera dugleg síðustu viku) 

túdílú þangað til eftir vigtun!

Veit ekki hvort þið séuð svefnpurkur þið sem lesið þetta, en ég er óttalega svefnpurka um helgar.  Það þýðir þá að ég er ekki borða morgunmatinn minn á morgnana, heldur lendir hann svona inní hádegismatnum hjá mér, og þá þarf að borða svo mikið að ég stend á blístri allann daginn.  Ég er að reyna að böggla þessu saman t.d. með því að fá mér rækjusalat (80 rækjur=hád. og 1 egg= morgunm) + 1-2 brauðsn. + 300 gr. grænmeti + einn ávöxt.  Þetta er náttúrulega hrikaleg hrúga!  Er ekki í lagi að dreifa þessu soldið yfir daginn ? – hvað gerið þið ? vakniði bara snemma?  Á ég sem sagt að fara að stilla klukkuna! O boy!!! En án gríns, hvað gerið þið? Komment óskast gjarnann.

 

Annað:Nú var mín að voða skipulögð um helgina og eldaði og bakaði, en kakan endaði í ruslinu ásamt formunum Sko, ég fór eftir grunnuppskriftinni og þar er talað um 2-4 tsk. af vanilludropum.  Mig logsvíður enn í tunguna eftir að ég smakkaði á kökunni og vill kenna dropunum um. Er ég að lesa þetta vitlaust? Eiga þetta kannski að vera 2-4 dropar, hjelp anybody?  Formin fóru nú bara í ruslið af því að það festist alltaf í þeim, og ég nenni ekki svoleiðis veseni.  Já, og svo eldaði ég.  Átti frosna lifur sem ég afþýddi snöggvast og skellti yfir á kínversku eða eitthvað, hrikalega gott, betra en á Nings. (og ódýrara) þessi uppskrift er á einu af uppskriftarblöðunum sem við höfum fengið á fundi.  Ég reyndar breytti henni smá, það er einhver árátta hjá mér að breyta uppskriftum, eða ég á aldrei alveg allt sem á að fara í þær og þá spinnur maður bara J

 

Vá, hef aldrei skrifað svona mikið – er alveg búin að fá útrás núna J 

Vonandi rennur af ykkur.

 

 

Já, mínus, þrátt fyrir það ég byrjaði bara á mánudaginn af fullum krafti. 700 gr. niður. Mér finnst það æði. Og þá eru bara 9,3 eftir af jólatakmarkinu. ))

Var aðeins að taka til í átaksskvísulistanum mínum og henda út þeim sem hafa ekki bloggað í laaaaangann tíma.  Einnig bætti ég Krúslu við á listanum, hún er á bullandi siglingu, endilega kíkiði við.

Hæ allar,

Er að lesa mig í gegnum kvöldið, dagurinn búin að vera alveg svona rosalega góður, en það er þetta "eitthvað" sem mig langar alltaf í á kvöldin, og í kvöld verður "eitthvað" lestur þangað til ég fæ mér frosin hindber og sýrðan.  slurp, þarna kom vatn í munninn....þekkið þið þetta...

Var að bæta nýrri samferðakonu á listan hjá mér, endilega kíkið við hjá henni - "Leið"

Annars er ég búin að setja mér markmið. -10 kg. fyrir jól, þ.e.a.s. næstu jól ekki 2015....var ég búin að segja ykkur það.  Hvað stefnið þið á að kveðja mörg?

sjáiði hvað mín gat í kvöld   jebb, rétt hjá ykkur ó þið athugulu konur.  Kílóastikan komin upp aftur. jáááá, maður getur ýmislegt.

Annars er mín bara alveg að detta í gírinn, er að elda mér grænmetissúpu núna til að taka með mér í vinnuna og var að renna yfir allar ddv biblíurnar í dag svona til upprifjunnar.  Ætla að vera dugleg að prófa hina ýmsustu rétti.  En ég tók eftir einu, ég á ekki neina uppskrift af deigi í svona bökur, getið þið hjálpað mér þar?

Já, ég er s.s. að byrja að vinnuna í höfðinu.  Búin að vera á vafrinu og mér finnst þið standa ykkur vel og það er hellings hvatning fyrir mig.  Á mánudaginn ætla ég mér að byrja aftur á danska og er bara farinn að hlakka til. Byrjuð að spekúlera í hvað ég á að búa mér til til að frysta og taka svo í vinnuna og svona. 

bið að heilsa í bili

kv. toty - hugsandi á dönsku

Þið eruð svooo æðislega takk, "sssmakk" og knús

Ég er alveg hérna, fór m.a.s. í vigtun áðan  jú, um 3 kg, komin til baka allt í allt, læt það svo sem alveg vera....

Ég ætla líka í vigtun næsta fimmtudag, en það verður nú ekkert rosalega mikið tekið á því þangað til, er eiginlega farin að hlakka til að rútínan (sem maður verður annars stundum svo leiður á) komist á afttur.  En ég er að byrja að vinna í höfðinu á mér, það borgar sig nefnilega að láta það fylgja, þannig að þetta fer allt að koma.

Hvernig gengur ykkur, eruð þið komnar á beinu brautina - þessa holóttu ?

...gaman að slá þessa tölu inn á lyklaborðið og til hamingju Bubbi, með afmælið

Jú er hér og ætla að halda áfram að skrifa, samt bara lítið í sumar ok!

Fór í vigtun s.l. fimmtudag í Garðabæinn, miklu skemmtilegri salur, og vigt bara líka held ég.  700 gr. kvöddu, reyndar eftir tvær vikur, en mér er slétt sama um það.  Ég sá sem sagt langþráða tölu, 95,8 - en 95 - já, mín er greinilega ekki dauð í öllum enn.  Mikið var ég glöð.  Finnst alveg frábært hvað bara tilhugsunin um að fara í vigtun skilar mér langt, hún veitir mér alveg hellings aðhald. Er bara ekkert að skrifa dagbókina núna, og ekki nógu dugleg að vigta heldur, en er komin á full í moldvörpufílingin, moka, reita, klippa, planta ummm æði.  Er með mitt eigið spínat hér úti í garði ásamt fleiri salattegundum. Get svo ábyggilega núna um helgina farið að týna mér í matinn.  Það er alveg frábært að geta farið út í garð og náð sér í nokkur blöð af salati til að hafa með kvöldmatinn.  Þvílíkur lúxus :9

Jæja, er s.s. búin að kveðja samtals 12,4 kg og gæti ekki verið glaðari með það.

Gangi ykkur rosalega vel, þið örfáu sem kíkið hingað inn.

svona kom annars síðasta skoðannakönnun út. Set hér með nýja inn.

Finnst þér fólk duglegt að svara skoðannakönnunum ?

já

36%

nei

64%

 

við þurfum að taka okkur á í því að taka þátt í skoðannakönnunum hjá hvorri annari.

já, vigtunin síðasta fimmtudag var bara nokkuð ánægjuleg. 500 gr. niður takk fyrir.  Ég er mjög glöð með það, komin í 96,5- þetta er allt í áttina.  Er svona ca 80% í ddv en má alveg vera duglegri með matardagbókina, finnst hún gera alveg rosalega mikið.  Er líka búin að snúa mér soldið mikið að fisk, síld, túnfisk og lax og þetta er allt eitthvað sem maður getur borðað í hádeginu.  Reyndar prófaði ég að kaupa frosin lax í Bónus um dagin, sem búið er að marinera og skelli honum á grillið. - Bara góður og á sko alveg pottþétt eftir að kaupa svona aftur.  Hann er líka í skemmtilegum pakkningum, maður getur klippt svona á milli stykkjana.

Allavega, er í sumargír, í hraglandanum og það er 21 mai

Ofboðslega væri nú gaman ef þeir sem detta hér inn myndu gefa comment

Go girls !

Jú, ég er alveg hérna.  Byrja bara alltaf á að fara einn rúnt og sjá hvernig ykkur gengur nenni svo ekki að skrifa eitthvað hjá mér.  er að taka í skottið á mér.

Allavega, vigtun síðast var eiginlega ekkert spes, 100 gr. upp, en mátti alveg gera ráð fyrir því.  Stóð í 97,00 - skemmtileg tala   Vona að eitthvað fari niður næst.

Svo langar mig að segja ykkur frá einu alveg geggjuðu á grillið.  Eggaldin, skorið í ca 1 cm. þykkar sneiðar, smurt pínu með olíu, skellt á grill og kryddað vel með "Caj P grillkrydda"  o.m.g. hvað þetta er gott.  Fór með heilt svona stk. niðurskorið út á grillið í gærkvöldi, en kom eiginlega ekki með neitt inn til baka   og langaði í meira.

gangi okkur öllum áfram vel.  Kíki á ykkur - bæjó

Varð að segja ykkur það ....STRAX.

Kvaddi 1 kg. í dag      Ekki nema 1,9 kg. í næsta markmið sem á að hafast á næstu 2-3 vikum.  ÉG ER SVOOOOO GLÖÐ.

Margar og mikla pælingar í kollinum á mér og er að prófa mig áfram í réttum.  Prófaði eftir síðast fund að taka gult/grænt epli, ekki skræla, skera í tvennt, taka kjarnan úr báðum helmingum með tsk. og setja sultu í holurnar og kannski smá kanil yfir og síðan í örbylgjuna í 3 mín. og borða með sýrðum.  Ummummm - bara gott og einfalt kvöldsnakk.

meira seinna